(Видео)ПРОТЕСТИ И ВО АЕРОДРОМ: Аеродромци протестираа пред домот на Диме Велковски и испишаа графит „предавник“

  • March 17, 2018

По протестите кои вечерва се одржаа пред домот на пратеникот Далибор Богдановски од Сопиште, жителите на општината Аеродром протестираа и пред домот на пратеникот од СДСМ Диме Велковски

 

 

„Предавник, предавник“, „Нејќам два, нејќам три, еден јазик сакам ја“, „Излези момче“ беа само дел од слоганите кои ги скандираа насобраните пред станот на пратеникот од СДСМ во Аеродром.

Тие пред неговиот дом на плочникот со спреј испишаа и „Диме Предавник“.

Во меѓувреме во Сопиште се собра уште поголема група на граѓани кои ја блокираа улицата околу цели два часа. Таму, полицијата беше во големо присуство, а демонстрантите информираа дека имало и припадници на армијата кои го чувале пратеникот на СДСМ.

Предмалку била исклучена и струјата на главната улица во Сопиште во обид да се растераат демонстрантите.

Неофицијално, пред домот на Богдановски имало околу 80 полицајци и војска.

Претходно «
Следно »