October 25, 2021, 8:33 am

Ги третираат како мигpaнти: Велика Британија ги aпcи патниците од Европа и ги испраќа во центрите за дeпортација

Поврзано

- Advertisement -
- Advertisement -

Граѓаните на Европската Унија ги испраќаат во центрите за депортација на мигранти и ги држат во притворските простории на аеродромите по слетувањето во Велика Британија, бидејќи политиката на британската влада за „непријателско опкружување“ ги опфаќа и нив по Брегзит.

Како што пишува Гардијан, Европјаните кои во Велика Британија доаѓаат за интервју за работа се меѓу оние на кои им е забранет влез и на кои им се заканува притвор. Тие за британскиот медиум рекле дека биле изложени на трауматично и понижувачко искуство на протерување и покрај правилото на Министерството за внатрешни работи кое дозволува на нерезидентите да присуствуваат на разговори за работа.

Најмалку десетина европски граѓани – претежно млади жени – биле приведени и протерани само на аеродромот Гатвик за само два дена од минатата недела, изјавиле двајца шпански притворенички за Гардијан. Некои биле испратени во притворскиот центар на два часа оддалеченост од возилото, каде што не им било дозволено да ги напуштаат своите простории поради правилата.

Други земји чии државјани се задржани на аеродром или притворен центар во Велика Британија се Италија, Франција, Бугарија и Грција. Неодамна, еден Французин бил задржан на аеродромот во Единбург 48 часа, додека бугарскиот амбасадор во Велика Британија потврди дека голем број на негови граѓани се задржани во центрите за депортација.

Двете Шпанки биле приведени на аеродромот Гатвик на 2 и 3 мај откако пристигнале со одделни летови од Валенсија и Билбао.

25-годишната Марија од Валенсија вели дека, како и многумина притворени, сметала дека може слободно да истражува на пазарот на трудот барем до октомври, особено затоа што претходно живеела и работела во Велика Британија. Марија вели дека, кога полициските службеници на границата рекле дека ќе ја протераат, таа понудила да плати за летот дома истиот ден. Наместо тоа, тие прво ја испратиле во притворскиот центар, каде таа поминала три „вознемирувачки“ дена.

Сè уште сум во шок – изјавила таа за Гардијан.

Кога Гардијан првпат разговарал со Марија во петокот, таа била во центарот за притвор и се плашела дека била изложена на Ковид-19. Подоцна истиот ден, таа била ослободена и и било наредено да биде ставена во карантин во куќата на нејзината сестра во Лондон до 17 мај. Граничната полиција и го задржала пасошот.

Изгубив толку многу време. Најлошото нешто беше што никој во центарот не можеше да ми каже што ќе се случи. Ми беше одземена слободата и не можев да добијам правен совет – рекла таа.

Евгенија, 24-годишна жена од Баскија во северна Шпанија, пристигнала во неделата, на 2 мај, со лет од Билбао до Гатвик во Лондон. Таа планирала да оди на интервју за работа, да оди дома да аплицира за виза, а потоа да се врати да живее со своето момче од Шпанија, здравствен работник, кој веќе четири години е во Велика Британија.

Во Гатвик на Евгенија и бил одземен мобилниот телефон и била затворена во просторијата за притвор 24 часа. Спиела на преклопен кревет со уште шест лица. Потоа ја ставиле на лет за Барселона, заедно со уште еден Шпанец кој сакал да направи интервју за работа.

Марија и Евгенија рекоа дека се сретнале со уште десетина европски граѓани приведени од слични причини. Меѓу нив имало уште двајца Шпанци кои дошле на интервју за работа, една Французинка која добила пракса во Велика Британија и една Чехинка која долетала од Мексико и била вратена таму.

Жената од Чешка беше очајна. Како мене, таа знаеше дека не можеме да почнеме со работа веднаш, но разбра дека може да барате работа и да се вратите во Велика Британија откако ќе добиете виза. Кога таа понуди да плати за летот до Прага, тие одбија и ја протераа во Мексико – рекла Евгенија.

И други патници со италијански, португалски и источноевропски пасоши биле протерани.

Лук Пајпер, поранешен адвокат за имиграција, кој работи во групи кои го следат третманот на граѓаните на ЕУ по Брегзит во Велика Британија, вели дека правилата збунуваат и ја обвинува граничната полиција за прекумерна агресија.

Апсолутно нема потреба да се испраќа некого во притвор, ако може да остане со своето семејство додека не биде протеран – вели тој.

Евгенија рекла дека искуството било толку трауматично што таа се откажала од обидот да живее со своето момче.

Не се враќам назад. Не сакам повторно да го поминувам тоа. Идејата за преселба во Велика Британија ме ужаснува – рекла таа.

Притворените се жалат дека не биле информирани за нивното право да побараат правна помош. Министерството за внатрешни работи не објавува податоци за граничните притвори од стапувањето на сила на Брегзит во јануари, и останува нејасно колку притворени лица не биле во можност да контактираат со нивните конзулати.

3 КОМЕНТАРИ

Latest News

Латас: Никој пoлa oд cвoитe гpaѓaни нe ги нapeкoл злo…

За Заев сите што не гласаат за Шилегов се зло. Тежок збор, особено од политичар кој и плата и...

More Articles Like This