Густата магла направи проблеми во Скопје – откажани летови

  • February 5, 2017

Маглата во Скопската котлина го отежна одвивањето на авиосообраќајот, како и на патниот сообраќај. На аеродромот „Александар Велики“ во Скопје не се реализирани летовите од и за Истанбул, како и полетувањата за Загреб и Барселона, покажуваат податоците од веб страницата на концесионерот на аеродромот ТАВ Македонија.

aerodrom

Според Автомото сојузот на Македонија (АМСМ), магла со видливост од 50 до 100 метри има на патните правци Тетово, Скопје и Катланово.

Сообраќајот на патиштата се одвива во зимски услови по наместа  влажни коловози.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е почеста  појава на одрони, особено на патните правци: Кочани -Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Претходно «
Следно »