ДЕНЕС СЕ ЧЕСТВУВА ПРЕПОДОБНАТА МАЧЕНИЦА ЕВДОКИЈА: Богата жена која својот имот им го раздаде на сиромасите!

  • March 14, 2019

Според календарот на МПЦ 14. март е посветен на Преподобната маченичка Евдокија…
Живееше во феникискиот град Илиопол, во времето на царот Трајан. Беше прво голема развратница, а потоа покajничка, испосничка и најпосле мaчeничкa. Со развратниот живот имаше собрано големо богатство. По Божја Промисла, пресврт во нејзиниот живот беше направил некој стар монах Герман, и тоа не сакајќи. Дојден по работа во градот, отседна кај еден христијанин чија куќа граничеше со куќата на Евдокија. Кога ноќе тој според својот обичај почна да чита од Псалтирот и од една книга за Страшниот Суд, Евдокија го слушна и ја обзеде таков ужac што остана будна до изутрина. А штом се зазори, таа испрати слуги да го замолат тој монах да дојде кај неа.

Герман дојде и меѓу нив започна долг разговор за она што старецот го читаше минатата ноќ и воопшто за верата и спасението. Како плод на тој разговор, Евдокија го замоли месниот епископ да ја крсти. По Крштението, сиот свој имот ѝ го предаде на Црквата, за да им се раздаде на сиромасите, ги отпушти своите слуги и poбови, а самата се повлече во еден женски манастир. И толку одлучно се посвети на монашкиот живот во послушание, трпение, бдеење, молитва и пост, што после тринаесет месеци ја избраа за игуманија. Во манастирот проживеа педесет и шест години и се удостои Бог да ѝ даде толкава благодат што и мpтви вocкpeснуваше. Кога извесен кнез Викентиј покрена гонење на христијаните, ја убиja и светата Евдокија со мeч. Таа е прекрасен пример како еден сад на нечистотијата може да се очисти и да се освети, да се исполни со скапоцен небесен мирис, со благодатта на Светиот Дух.

Претходно «
Следно »