ЕВН ПАДНА НА СУД ПОРАДИ ИЗМИСЛЕНИ ДОЛГОВИ: Семејство од Штип го доби ЕВН на суд, еве како да се заштитите и вие!

  • February 18, 2017

ЕВН падна на суд. Семејство од Штип е прво во државата кое од влезот на Австријците во бизнисот со дистрибуција на струја во Македонија , добило судски спорт, против компанијата:

evn
– Станува збор за наводен долг кој ЕВН со години си го сукцесивно допишувала, можеби со првичен основ, но на тој основ надавале други неосновани дологви, така што сумата од 2002 година наваму достигнала износ од 162 илјади денари. Тоа е нешто невидено, може само да се должи на манипулистичкиот систем кој со децении наназад го гради ЕВН, изјави Емил Недков, адвокат.
Судскиот спор се води од мај 2015 година, а до денес семсјтвото и адвокатот минале низ многу бирократски бариери. Истите според нив имаат за цел, максимално да ја искомплицираат постапката и да ги обесхрабрат оштетените да поведат судски спор против компанијата.
Колку за илустрација, наместо во Штип, целиот спор се водел во Скопските судови, а за само еден одговор, се чекало и по пет месеци:
– Точно дека централата им е во Скопје, но корисничкиот центар 1 им е во Штип, борилото кое е предмет на судска псотапка е во Штип, инкасаторот е во Штип, сведоците се во Штип, вештачењата се во Штип, вештите лица. Овој предмет требаше да се води во Основен Суд Штип, зошто го испратија во Скопје, не навлегувам, изјави Емил Недков, адвокат.
Сметките за струја, досега биле причина за бројни незадоволства кај корисниците, но малкумина од нив се одлучувале за судска разрешница:
– Ги охрабрувам граѓаните во иднина да не се плашат и да почнат своите права да ги остваруваат по оваа судска постапка, мислам дека доста беше таа практика неосновано да се натпишуваат сметките на граѓаните, изјави Емил Недков, адвокат.
Инаку, според Законот за облигациони односи, секој долг за јавна давачка застарува за период од една година. По истекот на овој рок, никој нема право да им бара пари на граѓаните за наплата на сметка.
Секако, ова важи само доколку за долгот корисникот претходно не е тужен.

Претходно «
Следно »