ЕФТО ПУПИНОСКИ СО ПОРАКА ДО ОХРИЃАНИ:ШТО ЛУЃЕ ЌЕ БЕВТЕ?

  • January 9, 2019

Фолк-пејачот Ефто Пупиноски, јавно се скара со охриѓани на својот Фејсбук профил, затоа што, како што вели никогаш не го поканиле во живо да им ја испее „Лихнида“. Со таа песна, вели пејачот, им го рекламира градот а охриѓани според него никогаш немале капацитет да го разберат тоа.

„ Охриѓани мои, ја знаете ли песната „Катино моме катинке“ ? Значи ја знаете – добро. Ја знаете ли песната „Прости ми душо моја?“ О да, ја знаете – одлично! А ја знаете ли песната „Туѓа си бескрајно?“ Ја знаете и таа, извонредно. Велите овие песни ги знае и старо и младо. А го знаете ли балканскиот хит „Лихнида кајче веслаше“ , каде што се збпорува за Охридското езеро? А, бре охриѓани. А бре, во живот не сте ме поканиле во Охрид, на плоштад, во оригинал да ви ги испеам сите овие и уште толку други мои хитови. Што ќе беше, што луѓе бевте? На тој ваш плоштад во тој ваш Охрид други пејачи од Македонија и од надвор ви ги пејат моите песни, ама бледо, неквалитетно. Помина скоро пола век, а вие не ја разбравте вредноста на таа „Лихнида“, хитот кој ве спомнува и ве величи кај балканскиот граѓанин, хитот кој само по себе си има некоја мала улога во рекламирањето на вашиот туризам. И замислиете, јас не ви се лутам. Објективно вие немате капацитет тоа да го разберете. Многу ми е жал што ви направив толку убава песна. И уште нешто, тоа „охриѓани мои“ е грешка. Никогаш не сте биле мои“, напиша Ефто на својот Фејсбук профил.

Претходно «
Следно »