October 24, 2021, 3:55 am

Кинa ги kaзнyвa лoкaлнитe cлyжбeници кoи нeycпeшнo ce cпpaвyвaaт co дeлтa-cojoт

Поврзано

- Advertisement -
- Advertisement -

Кина казни повеќе од 40 локални службеници за неуспехот да се справат со делта-сoјот на коронавирус, пишуваат светските медиуми.

Епидемијата, која првпат се појави во источниот град Нанџинг, се прошири во повеќе од половина од кинеските провинции и предизвика повеќе од 1.000 инфекции за три недели, според дневните извештаи од Националната здравствена комисија.

Властите воведоа строго заклучување, спроведоа масовно тестирање, карантин и ограничени патувања.

Ваквите мерки се применуваат во обем и интензитет што не се забележани во Кина од почетокот на пандемијата во почетокот на 2020 година. Оние службеници кои не успеаја брзо или темелно да ги спроведат мерките, сега се соочуваат со дисциплински мерки.

Во целата земја, според официјалните изјави и извештаите на државните медиуми, најмалку 47 службеници, од шефови на локални самоуправи, здравствени комисии, болници и аеродроми, се казнети за негрижа.

Во Нанџинг, главниот град на провинцијата Џиангсу, 15 службеници беа одговорни за ширењето на заразата на меѓународниот аеродром Нанџинг Луку, се вели во соопштението.

Аеродромот е местото каде што се верува дека епидемијата започнала за прв пат, девет чистачи биле заразени на 20 јули за време на рутински тест за коронавирус. Властите го поврзаа кластерот со летот од Русија, кој пристигна на 10 јули.

Тројца службеници на аеродромот се под истрага на провинциските дисциплински власти, а двајца се приведени. Други, вклучително и заменик -градоначалникот Нанџинг, добија казни од суспензија до строги предупредувања, се вели во соопштението.

Во изминатите недели, некои истакнати кинески експерти за јавно здравје побараа промена на пристапот, сугерирајќи дека земјата треба да научи да живее со коронавирусот во согласност со другите земји со релативно високи вакцинации.

Latest News

Обама до Меркел: „Целиот свет ви должи голема благодарност“

Поранешниот американски претседател Барак Обама им се придружи на европските лидери во чест на германската канцеларка во заминување Ангела...

More Articles Like This