КОСТОВ: Граѓаните изневерени од владата, извисени од ЕУ

Поврзано

ЖИВКОВСКИ: Темелковски најави целосна сaнaцијa на патека во Кисела Вода, а еве на прагот на летото како изгледа истата

Уште една лага на Градоначалникот на Општина Кисела Вода Филип Темелковски!! Имено, во месец декември 2019 година, Темелковски спектакуларно...

(Видео) ЕКСКЛУЗИВНО: „Инфомакс“ влезе во Ковид-19 центарот на Аџибадем Систина, погледнете како изгледа процесот на тестирање!

Екипата на Инфомакс, ексклузивно го посети центарот за тестирање на Ковид 19 во приватната клиника Аџибадем Систина. За време...

CAHКЦИИ ЗА ОХРИЃАНИ: Изнајмиле станови, а ги пpeкpшилe препораките

Кризниот штаб на Општина Охрид денес одржал состанок, на кој биле донесени повеќе заклучоци. На истиот присуствувал и раководителот...

Јавно и гласно прашувам, зошто и после два месеца ја нема ветената помош од Владата за оние кои останаа без работа и кога ќе пристигне помошта (ветеното мед и млеко) од ЕУ и НАТО? За домашна и странска помош пари нема, ама за брзи измамнички избори има сé. Пари, маски, ракавици, средства за дезинфекција.

Граѓаните повторно се изиграни и извисени. И тоа оние најранливите што останаа без работа. Ветената помош од Владата во април ќе ја добиеле во јуни. А можеби ниту тогаш. Каква невкусна лакрдија на клептократско-криминогената коалиција на власт. Ништо подобри не се
и оние бесчувствителни бирократи од Вашингтон и Брисел. Ме навредува веќе нивниот празен и измамнички алтруизам. Доста ми е од нивната лажна солидарност и во недоглед ветувачка, ама не исполнета хуманост. И едните (домашните измамници) и другите (странските
десперадоси), наместо да се справуваат со пандемијата од корона вирусот, тие истата ја користат како сламка за спас по катастрофалните неуспеси кои ги нанижаа во последните неколку години. Овие домашниве, откако ја узурпираа позицијата да владеат со државава, воведоа вонредна состојба, ја узурпираа војската и со репресивен систем секој ден заплашуваат или казнуваат намачени граѓани. Прогласи ги граѓаните за виновни, удри по нив, исплаши ги – и мир во куќи. Ама не е баш така. Состојбата од ден на ден им се измолкнува од контрола (Струга, Струмица, ИВЗ), ама со глупите соопштенија и прес конференции повторно се обидуваат да ја сменат претставата за себе, прикажувајќи се хумани, неуморни работници, одговорна и совесна власт.

Мижи Асан да ти баам. Тикви со расол. Ете такви и тоа се тие. Уште малку и оп, оп, па и херои кои ја решиле болеста. Кога под патронат на налогодавците од Вашингтон и Брисел ги вршеа велепредавствата очебијни за безмалку сите граѓани, со помошна сервилните
медиуми создаваа слика за себе дека се храбри и пожртвувани визионери. Демек херојски се дале за подобро утре (мало сутра), да ја внесат државава во НАТО и ЕУ, кои како што гледаме се во тежок распад. За уцените и насилствата што ги вршеа кога го менуваа Уставот и Името се уште ја кријат вистината. Се однесуваат како да тоа биле само маликолатерални штети за подобра иднина.

Нивните грди од неморал сурати повторно се шминкаат во триумфалистички и оптимистички бои. Лагите од нивните најпрофитабилни фабрики за искривување на вистината работат до прегревање. Ако не успеат повторно да ја потопат реалноста со сите свои криминални алатки
што интензивно ги користат сите овие години, лошо им се пишува. Но тука се појавува проблем: инфлацијата на нивните лажни ветувања во кои и нивните најфанатични трабанти веќе не веруваат. А тие трупаат ли трупаат вербални постигања и успеси, без да ги видиме и
почувствуваме во реалноста. Касата е празна за да уверливоста на нивните илузии се потхрани
со пари. Сакаат да се оди на избори, сега и одма, зошто „стоката“ – (С. Пендаровски, Стокомак) е вонредно измалтретирана и треба да се фати на препад и да прогласуваат победа и кога губат. Како со референдумот, де, сетете се. Само сега ќе имаме и лажна перцепција од долги редови за гласање (демек многу излегуваат да гласаат) поради здравствената дистанца, ама луѓе под маски и ете ти гласање – “Чик, погоди ко сам!“. И повторно за се е виновна кризата со короната за која тие немаат никаква одговорност. Тоа е глобална криза, а со тоа и оваа власт добива алиби. И од големиот поглавица од Вашингтон и од малиот поглавица од Брисел. Актерот Крсте Јовановски би рекол “Глобално алиби“. Ама јас прашувам по кој пат и до кога? Уште ли бе брате мили тие бледолики поглавици од туѓите бели дворови (Вашингтон, Брисел) ќе ни ја кројат судбината? Уште ли ќе ни ја загорчуваат сегашноста? Зошто по кој знае кој пат ни ја упропастуваат иднината?’

Сега, невидливиот вирус треба да ги покрие сите нивни злосторства кои до неподнослива болка ги бодат очите на народот. Дрвените безлични и бездушни говорници го губат курсот и трескаат глупости. Пореметен им е алгоритамот, разнебитен разумот, преплашени се од иднината што самите ја искреираа, а која заканувачки се сврти против нив. Одеднаш сфатија дека се ранливи и смртни, илузијата за божествената недопирливост сега исчезна од нивните лица што се искривија во застрашувачки гримаси на очај и страв. Сите нивни адути се пропаднати инвестиции сега. Остана само оној гротескен кастриран петел што секојдневно лицитира со бројките на заразени, починати и оздравени од тешката болест. Тој инстант произведен херој, господарот на болеста и здравјето.

Тој безизразен автомат со лик на гробар сега треба со волшебно стапче да ја укине епидемијата. А потоа, сите марш на избори. На повторно полнење кутии и фалсификување на волјата на народот. Толку пати веќе видено. Со „0“ (нула) инвенција и без трошка усул. И уште гатаат со нов бран зарази наесен. – „Ајде на избори пред да удри новата епидемија, за да можеме да ви ставиме нова вонредна состојба и полициски час”. Избори со маски, како бал под маски- политички карневал! Само бандата на власт да добие нов мандат. Ах, каква патетика. Стравовите ги шибаат како турска канѓија по грб. Ако паднат од власт, знаат дека ќе одговараат пред судот на народот. Да не заборавиме дека нашиот народ е гладен за правда. Преку таквото му е од неправда, од замолкнување, од заплашување. А и уште нешто да не заборавиме: народот е константа за се! Мерка за работите. Харизмата е во него. И никој не излегол на крај со народот. Тоа го знаат и Турците, кои мир немаа од комитите, војводите и атентаторите. А богами и фашистите/нацистите (од Германија, Италија, Бугарија) кои ја поробија Македонија, ама не излегоа на крај со партизаните, селаните и граѓаните. За петоколонашите, кодошите и одродниците и да не зборувам. Злото доаѓа од внатре, а се легитимира од надвор – од странство. На крајот секогаш си го добивале заслуженото. А мене ми се чини како за нив крајот доаѓа.

Така проаѓаат велепредавниците и кодошите. Стара прикаска е тоа. Го шитнаа Александар Македонски, се откажаа од браќата просветители, светите Кирил и Методиј, им го дадоа цар Самуил на алчните бугарски политичари, и сега, кога народот почна да се буди, не го давале Гоце Делчев, поточно после изборите ќе сме имале нова и појасна слика за македонската историја. Еј, битпазарски ја продадовте целата Македонска историја! Го дадовте името, го дадовте јазикот, се откажавте од се што е од Бога дадено на Македонците. Ја дадовте душата на народот! И, сега си замислувате дека заблескавте како преродени патриоти. Но тој блесок е евтин циркуски илуминариум, стар кодошки трик, лажно посипување со пепел. Но, без оглед на се’, запомнети ќе бидете како гнасни штеточини и болест што го нападнала македонскиот народ. Нема спас, нити утеха. Доцна ви проработе итрината овој пат. Оставивте премногу траги од вашите злосторства. Гревови кои нити можат, а нити пак смеат да бидат заборавени. Доаѓа крајот на вашата нечовечна авантура. Кога епидемијата ќе заврши, ќе ви дојде крајот и вам. Зошто вие самите сте болест, пострашна од било каков вирус или епидемија.

Актуелно

ШИЛЕГОВ СЕ EВAКУИPAЛ: “Градскиот очув” на викенд во Маврово бега од кaрaнтинoт во Скопје

Петре Шилегов, градоначалникот на Скопје е во Маврово, додека главниот град е во 80-часовен полициски час, објави „ТВ24“. Шилегов за...

(Видео) ЕКСКЛУЗИВНО: „Инфомакс“ влезе во Ковид-19 центарот на Аџибадем Систина, погледнете како изгледа процесот на тестирање!

Екипата на Инфомакс, ексклузивно го посети центарот за тестирање на Ковид 19 во приватната клиника Аџибадем Систина. За време на посета имав шанса да...

(Видео) „СКОПЈЕ КАКО ВУХАН“: Се поставува монтажна болница во близина на Инфективна, Maкедонија се спрема за новиот пик!

Сцени кои до пред неколку месеци ги следевме само преку светските медиуми стануваат реалност во Македонија. Во близината на Инфективната клиника се поставува монтажна...

КОНЕЧНО ПРИСТИГНАА ОФИЦИЈАЛНИ ИНФОРМАЦИИ ОД МЗ: Бројката слична на вчерашната, 125 нови случаи на коронавирус во Македонија

Министерството за здравство информира дека во последните 24 часа се направени 1085 тестирања, а регистрирани се 125 нови случаи на ковид-19 во: Скопје-46, Kуманово-19,...

ВЕЛАМ ТИ ЌЕРКО, СЕТИ СЕ СНАО: Коста Костадинов си ја врботил девојката кај Боки 13, па во „Америт“ и на крај во ТАВ Македонија?

И додека на прес-конфернции, портпаролот на СДСМ Костадин Костадинов ги обвинува своите политички опоненти за непотизам (?!), самиот тој развил сериозна непотистичка шема во...

Повеќе вести