December 8, 2021, 11:43 pm

Коциќ: Еднаш засекогаш ќе го решиме проблемот со водата за пиење во Оризари

Поврзано

- Advertisement -
- Advertisement -

„Заедно со советничката листа, составена од чесни искрени, луѓе кои со своите раце го заработиле лебот, гарантирам дека ќе направиме многу подобри услови за живот и во Велес и во околните села“, порача кандидатот за градоначалник на СДСМ и Коалицијата за градоначалник на Велес Ненад Коциќ, во своето обраќање пред граѓаните на Оризари.

Тој нагласи дека еден од петте приоритети на неговата програма е грижата за руралните средини, бидејќи селата треба да се развиваат, младите да остануваат да живеат дома, селата да бидат поубави, а луѓето да живеат посреќно и побогато.

„Веднаш по започнувањето на мандатот ќе се зафатиме со решавање на проблемите во Оризари, еднаш засекогаш треба да се реши проблемот со водата за пиење и повеќе да нема проблем со тоа и во Оризари и во другите села“, истакна Коциќ.

Тој најави дека ќе работи да ја намали невработеноста на младите до 0%, вкупната невработеност во општината да падне на 10%, најави грижа за младите, пензионерите, ранливите категории, за спортот, како и скорешен почеток на изградба на спортска сала во Оризари.

„Не давам празни ветувања, сакам заедно да направиме добро за сите граѓани, и ве повикувам во недела заедно да застанеме во поддршка на најдобрата листа, на најдобрата програма и најпросперитетната идеологија што ја имаме како СДСМ“, нагласи Коциќ.

„Оризари беше и остана бастионот и бедемот, кој не успеаја да го покорат груевите борци и режимот, што ја малтретираше целата држава, за тоа ви честитам и уверен сум во голема победа на Оризари затоа, да го заокружиме бројот 12 за советничка листа на СДСМ, бројот 12 за градоначалник Ненад Коциќ, за најдоброто за сите граѓани на Општина Велес“, порача кандидатот за градоначалник на СДСМ и Коалицијата за градоначалник на Велес Ненад Коциќ.

Latest News

Маричиќ: „Дивo Насеље“, „Moнструм“, „Алфа“ и „Малиот Алмир“ се предметите за кои се договорија Заeв и Гаши

„Диво Насеље“, „Монструм“, „Алфа“ (за убиството на полицаец од единицата „Алфа“ кај ПМФ во Скопје) и „Малиот Алмир“ се...

More Articles Like This