ЛОКАЛНИТЕ МОЖЕ ДА ЗНАЧАТ И КРАЈ НА ВЛАДАТА: Од тоа чиј кандидат ќе поддржат, зависи и лојалноста на албанските партии во владата!

  • October 4, 2017

Заев свесно манипулира со албанските и македонските гласачи спроведувајќи двојни стандарди во јавната поддршка на кандидатите за градоначалници од албанскиот блок кои се негови коалициони партнери во владата на Република Македонија. Тоа го доведува во без малку смешна ситуација како што беше вчера вечер на собирот во Чаир.

СДС се наоѓа пред вистински предизвик. СДС одлучува која партија од aлбанскиот блок да ја поддржи за претстојните локални избори и нивните кандидати за градоначалници.

Останува необјаснето кој е цехот за опстанокот на владата. СДС и Заев се во тесно. Нивната несигурност ја искажуваат на различни начини, со креирање на криминални сценарија, предизвикување инциденти, поткуп,учество на носители на jавни и високи државни функции во предизборниот процес и уште куп други нерегуларни и нелегални ситуации.

Заев и СДС јавно го поддржаа Ахмети и ДУИ во Чаир и Дебар, меѓу тоа, тоа не го сторија во Гостивар,Тетово и Струга . Лошите пресметки помеѓу владината коалиција може да доведе до распад на истата, велат експертите.

Лагите и манипулациите на Заев и СДС одат во толкави крајности, што тој почна да ги манипулира и албанските гласачи.

Заев јавно ги повика и албанските и македонските гласачи од Чаир и Дебар да ги дадат своите гласови за ДУИ, додека во Гостивар, Струга и Тетово се воздржа од јавна поддршка, сметајќи дека тоа може да наштети на соработката со другите албански партии.

Претходно «
Следно »