January 27, 2021, 6:27 pm

МАКЕДОНИЈА ПОЧНАА ДА ЈА РАСПАРЧУВААТ: Бугарија доставила над 30 страници со забелешки за учебниците по историја

Поврзано

МАН со реакција за обидот на власта за партиска контрола врз медиумите преку измена на Законот за аудио и аудиовизуелни медиумски услуги

Македонската асоцијација на новинари (МАН) не е изненадена од обидот на власта за партиска контрола врз медиумите во Македонија...

Во „Жан Митрев“ детектиран британскиот сој на корона кај 46 годишен маж

По речиси едно годишна борба со смртоносниот ковид-19, токму кога мислевме дека состојбата започнива да се подобрува, пандемијата ни...

(Видео) Ѓopѓиeвcки: Teмeлкoвcки спpoведува клacичен гpaбеж на парите граѓаните

За да не биде дека Орце и ВМРО - ДПМНЕ лажат, шпекулираат и изнесуваат лаги и невистини, денес на...
- Advertisement -

Бугарија достави над 30 страници со забелешки на учебниците по историја во Македонија, изјави бугарската вицепремиерка и министерка за надворешни работи Екатерина Захариева.

На пратеничко прашање во бугарскиот Парламент, Захариева рече дека заедничката Комисија за историски и образовни прашања формирана по Договорот за добрососедство помеѓу Бугарија и Македонија веќе имала два состанока, а третиот треба да се одржи до крајот на месецов. Се разгледуваат учебниците по историја и во двете земји, направен е преглед на учебниците од шесто до седмо одделение во Македонија и за нив се доставени над 30 страници забелешки.

Захариева вели дека иако бугарските претставници од комисијата констатирале сериозни проблеми во содржината на учебниците, атмосферата во комисијата е конструктивна.

Таа посочи дека комисијата секоја година до владите на двете земји ќе треба да доставува извештај за сработеното. За Бугарија, вели Захариева, е важно да се постигне меѓусебна согласност за заедничките историски настани, личности, кои би требало заедно да се чествуваат.

Членовите на заедничката комисија веќе ја утврдиле методологијата на работа, а договорено е состаноците да се одржуваат на ротациски принцип, еднаш во Бугарија, еднаш во Македонија.

Захариева истакна дека очекувањата од работата на комисијата се многу големи. Бугарските претставници во неа, како што наведе, се определени по сеопфатни консултации со Бугарската академија на науките и Факултетот по историја на Софискиот универзитет.

Шефот на македонскиот тим Драган Ѓоргиев вчера во изјава за Канал 5 рече дека Македонија и Бугарија немаат никакви различни гледишта за праисторискиот и античкиот период, а забелешките се главно за содржините од средниот век – за Самоиловата држава и за просветителите Св. Кирил и Методиј.

– Утврдени се пропусти и во нашите и во бугарските учебници и започната е анализа за дел од нив, вели Ѓоргиев.

Бугарскиот историрар Стефан Дечев, пак, очекува промени во учебниците по историја во двете држави, но укажува дека за тоа ќе биде потребен подолг временски период.

Со отворање на историографијата една кон друга и со вклучување на млади кадри кои имаат современо образование може да биде постигнат успех и меѓусебно разбирање, вели Дечев.

Latest News

Странци ја правеле концепцијата, странци ја финансираат реформата: Кој и зошто го менува македонскиот образовен систем?

Министерката за образование и наука неодамна го презентираше новиот концепт во образовниот систем во основното образование, кој предвидува коренити...

More Articles Like This