НАЈНОВИ РЕЗУЛТАТИ: ЕПП со помал број на пратеници од порано!

  • May 26, 2019

Составот на Европскиот парламент полека ја менува структурата. Новите резултати покажуваат нова распределба на моќта.

Европската народна партија (ЕПП) и Прогресивната алијанса на социјалистите и демократите (ПЕС) ќе изгубат повеќе од 80 места, според првите бројки објавени од Европскиот парламент.

Социјалиситите се на второто место со 40 мандати помалку отколку во досегашниот состав. Така, ЕПП добива 170 места, а Социјалдемократите ќе имаат 147 места .

Либералите заедно со листата на францускиот претседател Макрон има 103 места. Коалицијата Европа, нација и слобода во која е и Лигата на Матео Cалвини има 71 место , односно 35 мандати повеќе .

Европските конзервативци и реформатори имаат 59 места , односно 18 мандати помалку. Досегашниот пратенички клуб Европа за слободна и директна демократија во која се Пет ѕвезди и партијата Брегзит на Најџел Фараж има 48 места, шест повеќе од досега.

Обединетата европска левица доби 46 места или шест помалку.

Претходно «
Следно »