December 2, 2021, 3:59 am

Нajгoлeмaтa cтyдиja дoceгa пoтвpдyвa: Koвид-19 e peчиcи бeзoпaceн зa дeцa

Поврзано

- Advertisement -
- Advertisement -

Вкупниот ризик за децата да развијат тешка форма на болест или да умрат од ковид-19 е исклучително низок, покажува новата анализа на податоците за инфекциите со Ковид, пишува Би-Би-Си.

Податоците од првите 12 месеци на пандемијата во Англија покажуваат дека само 25 лица помлади од 18 години починале од ковид-19.

Оние кои имаат повеќе хронични заболувања се најмногу изложени на ризик, иако вкупниот ризик е сè уште многу мал. Овие заклучоци сега ги разгледува британската советничка група за вакцини.

Во моментов, на луѓето на возраст под 18 години не им се нудат вакцини против ковид-19 во Велика Британија, дури и ако имаат други здравствени состојби што ги изложува на поголем ризик. Во некои држави вакцината Фајзер се дава на малолетни лица на возраст под 16 години, а компанијата објавила дека наскоро ќе побара одобрување за нова вакцина за најмладите возрасни групи, пишува Би-Би-Си..

Научниците од Универзитетскиот колеџ во Лондон и Универзитетите во Јорк, Бристол и Ливерпул велат дека нивните студии за деца досега биле најсеопфатно спроведени насекаде во светот.

Тие ги анализирале податоците од англискиот јавен здравствен систем и откриле дека повеќето млади луѓе кои починале од ковид-19 имале некоја друга сериозна здравствена состојба.

15 од нив имале состојба што значително ги ограничувала животните услови, а 13 од нив имале одредена комплексна невро-попреченост. Шест лица немале никакви претходни состојби, иако научниците велат дека некои болести можеби биле запоставени. 36 деца имале позитивен тест за ковид во времето на смртта, но починале од други причини, сугерира анализата.

Иако вкупниот ризик е сè уште мал, меѓу децата и младите кои починале поголема веројатноста имале оние кои имале над 10 години и биле црни и азијци.

Истражувачите проценуваат дека 25 смртни случаи кај население од околу 12 милиони деца во Англија дава вкупна смртност од два смртни случаи на милион деца.

Тековните податоци покажуваат дека од почетокот на пандемијата, 128.301 лице во Велика Британија починале 28 дена по позитивниот тест за коронавирус.

Покрај тоа, научниците ги зеле предвид сите деца и млади во Англија кои завршиле во болницата за итни случаи до февруари 2021 година. Приближно 5.800 деца биле примени со вирусот, во споредба со околу 367.600 кои биле примени од други причини.

Околу 250 барале интензивна нега, а 690 деца биле примени поради ретка воспалителна состојба поврзана со ковидот, наречена педијатриски воспалителен мултисистемски синдром (PIMS-TS).

Иако апсолутните ризици сè уште се мали, децата со повеќе здравствени состојби, дебелите и младите со срцеви и невролошки заболувања биле најмногу изложени на ризик.

Водечкиот истражувач, проф. Расел Винер изјавил дека сложените одлуки за вакцинирање и заштита на децата бараат соработка и придонес на различни страни.

Но, тој рече дека доколку има соодветни вакцини, нивното истражување сугерира дека одредени групи деца би можеле да имаат корист од вакцинацијата.

– Мислам дека според нашите податоци, и според мое лично мислење, би било многу разумно да се вакцинираат многу групи што ги проучувавме и кои немаат особено висок ризик од смрт, но ако знаеме дека нивниот ризик од развој на сериозна болест и интензивната нега е поголема отколку кај општата популација – иако сè уште е мала, рече Винер.

Тој додаде дека при донесувањето на одлуката треба да бидат земени предвид дополнителни податоци за вакцините што се очекува од други земји, вклучувајќи ги САД и Израел.

Д-р Елизабет Витакер од Кралскиот колеџ за педијатрија и здравје на децата и Кралскиот колеџ во Лондон рече дека е охрабрувачки тоа што има многу малку деца во болниците кои се навистина болни.

‘Иако овие податоци се однесуваат на февруари 2021 година, ситуацијата не се промени со неодамнешното доаѓање на варијантата делта. Се надеваме дека овие податоци ќе ги уверат децата и младите и нивните семејства “, рече таа.

Latest News

Вучиќ открива: Дeмонстpaнтите на пpoтecтот беа вoopyжени

Претседателот на Србија, Александар Вучиќ, изјави дека за насилството што го предизвикаа демонстрантите на протестите при блокадата на патот...

More Articles Like This