December 8, 2021, 4:26 am

Пендаровски: Вepojaтнo cмe нajдoбpo пoдгoтвeнa зeмja кaндидaт вo иcтopиjaтa нa ЕУ

Поврзано

- Advertisement -
- Advertisement -

Веројатно сме најдобро подготвена земја кандидат во историјата на Европската Унија. Значи потребна ни е, заслужуваме реална можност за да ги започнеме преговорите и се потпираме на вас, на вашата поддршка, како и секогаш, рече претседателот на Македонија Стево Пендаровски на почетокот на средбата со грчкиот премиер Кирјакос Мицотакис, јави дописничката на МИА од Атина.

Пендаровски истакна дека Грција е меѓу најсилните поддржувачи на интеграцијата на Македонија во ЕУ и изрази надеж дека утре во Словенија, заедно со многу други европски пријатели и Атина ќе го поддржи барањето на сите земји од Западен Балкан, а главно на Македонија.

– Ќе треба конечно да започнат пристапните преговори со Европската Унија нешто што го чекаме многу време, бидејќи ги исполнуваме сите предуслови, истакна претседателот.

На почетокот од средбата, му објасни на Мицотакис дека во тек се напорите за наоѓање решение со Бугарија, но и дека намерата не е да се скрати патот до Унијата, туку да се исполнат сите предуслови и предвидени процедури. Додаде дека веќе 16 и пол години чекаме и „дојден е моментот да започнат преговорите, кои траат со години“.

– Она што го бараме, не е да станеме членки преку ноќ, туку да ни се даде шанса да започнеме преговори, а во продолжение ние и многу наши европски пријатели да ги финализираме сите пристапни делови, поранешни поглавја. Подготвени сме. Веројатно сме најдобро подготвена земја кандидат во историјата на Европската Унија. Значи потребна ни е, заслужуваме реална можност за да ги започнеме преговорите и се потпираме на вас, на вашата поддршка, како и секогаш, истакна претседателот Пендаровски.

Грчкиот премиер Кирјакос Мицотакис, изрази задоволство за посетата, но и спомена дека ЕУ перспективата на регионот ќе биде една од темите на утрешниот самит во Словенија.

– Како што знаете, придаваме големо значење во зајакнувањето и продлабочувањето на нашите билатерални односи, но и на промоција на интегративниот процес на Македонија. Тоа е прашање за кое ќе имаме можност да разговараме утре во Словенија, во рамките на Самитот ЕУ- Западен Балкан. Драго ми е што нашата со билатерална соработка оди напред со стабилни чекори во енергетиката, одбраната, поврзаноста и меѓуграничната соработка, рече Мицотакис.

На почетокот на средбата грчкиот премиер изрази сочувство до претседателот Пендаровски за загинатите во пожарот во модуларната болница во Тетово.

Од кабинетот на претседателот Пендаровски соопштија дека соговорниците разменија мислења за севкупните билатерални односи меѓу двете земји, при што е оценето дека официјалната посета на највисоко ниво означува важен момент во развојот на односите меѓу двете држави.

Latest News

Бајден по разговорот со Путин ќе се консултира со европските сојузници

Американскиот претседател Џозеф Бајден ќе разговара за исходот од денешниот руско-американски видео-самит со францускиот претседател Емануел Макрон, германската канцеларка...

More Articles Like This