„Рекет“ во финиш: Почнуваат завршните зборови

Поврзано

Граѓаните ќе треба да одлучат во каква држава сакаат да живеат

Граѓаните ќе треба да одлучат во каква држава сакаат да живеат, држава со kpиминал, koрупција или напредна прогресивна држава,...

Николоски до Заев: Кoга сакаш, каде сакаш, во колку сакаш, повели на дуел, да видиме кого луѓето ќе поддржат

Потпретседателот на ВМРО-ДПМНЕ, Александар Николоски, носител на листата на кандидати за пратеници од ИЕ 4 денес се сретна до...

Мицкоски: Договорите за добрососедство треба да се двонасочна улица, не едностран акт како оној со Бугарија

Претседателот на ВМРО-ДПМНЕ и мандатар за премиер Христијан Мицкоски, во вечерашната емисија „360степени“ на телевизија Алсат, потенцираше дека добрососедските...

По речиси шест месеци судење, случајот „Рекет“ влегува во финишот. Денеска во Основниот кривичен суд во Скопје треба да се започне со давањето на заврши зборови. Прва тоа треба да го направи обвинителката Вилма Русковска, а потоа и адвокатите и обвинетите.

По ова ќе остане само изрекувањето на пресудата од првостепениот суд. Судскиот процес го води Васка Николовска-Масевска, како прв судија, и Софче Гаврилова-Ефремова, како втор судија, како и тројца поротници кои се дел од судечкиот совет.

Судскиот процес започна на 3 декември 2019, а на обвинителна клупа седнаа Бојан Јовановски – Боки 13 како обвинет за делата примање награда за противзаконито влијание и за перење пари и поранешната специјална обвинителка Катица Јанева за злоупотреба на службената положба и овластувања. Со нив седеше и Зоран Милески – Кичеец обвинет за примање награда за против законито влијание, но само на првото рочиште бидејќи призна вина и веќе наредниот ден (4 декември 2019) доби затворска казна од три години.

Судскиот процес понатаму продолжи со сведочењето на Орце Камчев и неговата сопруга Ана Камчева, од кои во обвинителниот акт се тврди дека земале 1,5 милион евра за бизнисменот да добие подобар третман во случајот „Империја“ каде е осомничен. Следеа и сведочења на други бизнисмени, соработници и блиски луѓе на Јовановски, обвинители на СЈО … И обвинителството и одбраната ги изведоа своите материјални докази, а на последните рочишта двајцата обвинети, Бојан Јовановски – Боки 13 и Катица Јанева, дадоа и свои искази. Јавноста, пак, немаше можност да го слушне сведочењето на Кичеец, кој често беше споменуван во текот на судењето, но не беше предложен за сведок.

И едната и другата страна во „Рекет“ тврдеа дека ги докажале своите тези. За Русковска немаше дилема дека парите завршиле кај Јовановски, за него, пак, целиот процес беше монтиран.

„Факт е дека Јанева примила 50 000 евра и не е воопшто не е битно дали тие потекнуваат од брачната двојка Камчеви“, зборуваше Русковска за второобвинета, додека Јанева тврдеше дека тоа се пари за мебел кој таа го зела и платила откако Боки ѝ понудил тоа да го направат преку 1ТВ бидејќи имал компензации и договори со фирмата за мебел. Јанева се бранеше и дека не го привилегирала Камчев туку и за него постапувала исто како и за други осомничени и обвинети во врска со притворот и во врска со давањето пасоши.

Ако на денешното рочиште сите учесници во судскиот процес не ги дадат завршните зборови, ќе се продолжи утре. Потоа, Јовановски и Јанева ќе го очекуваат рочиштето за да ја слушнат пресудата која ќе имаат можност да ја оспорат пред второстепениот суд.

Зоран Милески – Кичеец, пак, очекува друго рочиште – јавна седница пред Апелацискиот суд во Скопје каде поднесе жалба за висината на затворската казна.

Бојан Јовановски – Боки 13, освен пресудата за „Рекет“, го очекува и стартот на судскиот процес „Меѓународен сојуз“, кој првично се падна кај истите судијки со таа разлика што Гаврилова-Ефремова е прв, а Николовска-Масевска втор судија. Засега нема информации дека некоја од странките поднела жалби за судечкиот совет.


Јовановски во тој случај е обвинет како прв човек на невладината организација „Меѓународен сојуз – Скопје“ и се товари за делата измама и за перење пари.

Со него на обвинителна клупа ќе седнат и пратеничката од последниот парламентарен состав и потпретседателка на Собранието Фросина Ременски (за помагање во делото измама), заменик-претседателката на „Меѓународниот сојуз“, Јасна Мандиќ (за помагање во делата измама и перење пари), таткото на Боки – Миле Јовановски (за помагање на делата перење пари и неовластено изработување, држење, посредување и тргување со оружје) и асистентката Христина Блажевска (за помагање во делата измама и перење пари). Како правно лице обвинета е и невладината организација „Меѓународен сојуз“

Актуелно

(Фото) Нeврeмeтo нарави хaoc во Скопје

Невремето кое пред малку го затекна главниот град на Македонија предизвика хаос во собраќајот. Голем број возила чекаат во...

(Во живо) Христијан Мицкоски на средба со жителите на Шуто Оризари

Лидерот на ВМРО-ДПМНЕ и кандидат за премиер на Република Македонија, попладнево е на средба со жителите од Шуто Оризари. Неговото обраќање може да го следите...

Чулев: Изборни нepегуларности нajcтрого ќе се caнкционираат, без разлика од која партија доаѓаат

Главен акцент треба да се стави на спречување на секаков вид на изборни нерегуларности, кои најстрого ќе бидат санкционирани, без оглед од која политичка...

(Видео) По зakaните по неговиот и животот на Јовановски, Дуковски видно вознемиpeн, известени се и амбасадите

Видно вознемирен и нервозен вака може единствено да се опиште денешниот настап на адвокатот на Бојан Јовановски, Сашо Дуковски при изјавата пред обвинителството откако...

Нови „бомби“ во етерот – што мисли Заев за Бранко Црвенковски и неговите луѓе, и колкав е неговиот капитал

Нови аудио снимки од свиркачи се појавија на социјалната мрежа „ЈуТјуб“ на кои може да се слушнат секвенци од разгвор кој Зоран Заев го...

Повеќе вести