(Рецепт) ПИПЕРКИ ВО МЕД: Нешто превкусно, оние кои еднаш пробале, побарале уште!

  • May 20, 2019
  • Коментари

Овие пиперки ги пробав лани на гости и веднаш знаев дека морам да ги направам и јас. Може да се прави со секакви пиперки, но со црвените е највкусно. Можеби не е сезона на зимници, но овие можете да ги јадете во секое време.

ПОТРЕБНИ СОСТОЈКИ:

5 кг исчистени ајварки пиперки, 1 литар јаболкова киселина, 1 кесичка конзерванс, 1 кесичка винобран, 150 г шеќер, 150 г сол и 150 г мед.

ПОСТАПКА:

Пиперките се мијат, се цедат од водата па се сечат на половина и се чистат од семките.

Во еден сад се става јаболкова киселина, сол, шеќер и мед, па се става на оган да зоврие. Варете уште малку додека да се растопат состојките, па тргнете го садот од оган и додадете ги конзервансот и винобранот.

Низ вpeлиот раствор провлекувајте ги пиперките кратко и веднаш редете ги во сад со капак.

Оставете ги да изладат неколку часови, па почнете да ги редите, колку може позбиено во чисти суви тегли.
Одозгора налејте со растворот од медот, и притиснете ги со дрвено стапче (најдобро од дрвена лоза, како потисок).

Теглите затворете ги со целофан и оставете ги на ладно, темно место.
Мора да отстојат барем три седмици до послужување за да можат пиперките убаво да ја впијат аромата.

Можат да се прават и само со шеќер, но со мед имаат многу поубава арома. Пробајте и уживајте!

Претходно «
Следно »