РУСКОВСКА СИ ЗАМИНА НА ОДМОР: „Рекет“ ќе почека да се одмори

  • August 6, 2019

Специјалната обвинителка Катица Јанева е на одмор, а годишен одмор во исто време користи и обвинителката за гонење на организиран криминал и корупција, Вилма Русковска. Од СЈО и од ОЈО за МКД.мк потврдуваат дека Јанева е на одмор до 15 август, а за Русковска ни беше одговорено дека годишниот одмор обвинителката го користи во првата половина на овој месец.

Русковска и Јанева во последно време се актуелни со случајот „Рекет“, првата ја води истрагата за овој случај, а на втората и се одземени два мобилни телефони.

Иако во јавноста беше објавено дека освен двајцата осомничени, Бојан Јовановски и Зоран Милевски вмешан во овој случај е и обвинител, за сега нема конкретно име за кого станува збор.

Иако во јавноста се споменува името на Катица Јанева, за сега официјално никој надлежен не излезе да посочи дали има индиции, основи на сомнение, основано сомневање или докази за тоа дека специјалната обвинителка е поврзана со случајот „Рекет“, како и да се побараат мерки за неа.

Во јавноста пред неколку дена се појави фотографија од Јанева на плажа на Халкидики, но сепак официјална потврда дали фотографијата е автентична и дали е направена од сега, нема.

На одмор е и обвинителката Русковска која е задолжена за истрагата за случајот „Рекет“.

Она што е официјално од истрагата е дека е во тек вештачењето на мобилните телефони и на компјутерите кои беа одземени.

Обвинителството претходно соопшти дека е завршено вештачењето на мобилниот телефон на обвинителката Јанева, но детали околу тоа дали вештачењето утврдило нешто што ја поврзува Јанева со „Рекет“ не се откриваат.

Во притвор за овој предмет се Боки 13 и Кичеец, а за сега истрагата не е проширена со нови лица.

Обвинителството од втори мај 2019 година против две лица водеше предистражна постапка, при која се собрани материјални и вербални докази. Од месец ноември 2018 до месец април 2019 година првоосомничениот искористувајќи го своето влијание врз јавен обвинител влијаел да се изврши дејствие со кое во истражна постапка ќе се олесни положбата на едно осомничено лице во таа постапка, а второосомничениот придонел со тоа што договарал континуирани средби и воспоставувал меѓусебен контакт меѓу првоос мничениот и осомничениот во таа постапка и лично со осомничениот. На средбите осомничените ги увериле сведоците во влијанието на прво осм ничениот врз јавниот обвинител и за посредувањето во два наврати примиле еден милион и петстотини милиони евра”, рече претходно на прес-конференција шефицата на Јавното обвинителство за бо рба против организиран кр иминал, Вилма Рускоска.

Претходно «
Следно »