СДСМ ПАТУВАЛЕ СО БОЛИД НА РАБОТА ВО СОБРАНИЕ: 200.000 евра за патни трошоци потрошиле пратениците на СДСМ!

  • February 21, 2017

Близу 11 милиони денари или 180 илјади евра, зеле неколкумина пратеници од претходниот пратенички состав на Социјалдемократскиот сојуз, за патни трошоци, за само една година. Ова го покажуваат официјалните податоци од собранието, кои ги доби тв нова, по писмено барање за пристап до информациите.
sobranie-1

Овие скоро 200.000 евра си ги поделиле само 10 пратеници од СДСМ кои живеат во Прилеп, Битола, Охрид, Струга, Кочани и Струмица, во перидот од септември 2015 до октомври 2016.

Рекордер во наплатата на патни трошоци за пратениците, кои своето приватно возило го користат за службени цели, е пратеникот од редовите на СДСМ, Мира Стојчевска, родум од Битола, која добила 1.261.424 денари, или нешто повеќе од 20.000 евра, што е еднакво на повеќе од 56 просечни плати во Македонија.

Веднаш зад неа е и пратеникот Васко Ковачевски од Битола. Исто така од редовите на СДСМ, кој за патни трошоци наплатил вкупно 1.256.011 денари или околу 20.000 евра. На списокот, испратен од Собранието до Тв Нова, речиси и да нема пратеник од СДСМ, кој не наплатил, на име на патни трошоци, близу еден милиони денари, за една година. Следат и останатите пратеници од последниот состав на СДСМ, прилепчанецот Горан Сугаревски со 1.006.286 денари, битолчанките Јагода Шахпаска со 1.148.757 денари и Јулијана Силјановска со 1.192.298 денари, Томислав Тунтев од Охрид со 1.168.296 денари, Хари Локвенец од Прилеп со 942.156 денари, Јован Митрески од Струга со 1/221/899 денари и Милева Ѓоргиева од Струмица со 938, 708 денари.

Последен на оваа листа со исплатени вкупно 803.049 денари, или нешто повеќе од 13 илјади евра, е заменик-претседателот на Комисијата за финансирање и буџет од Социјалдемократскиот сојуз Миле Андонов, родум од Кочани.

Интересни се податоците и за Оливер Спасовски, генералниот секретар на партијата. Тој за десет години во Собранието, на име патни трошоци инкасирал вкупно 1.392.170 денари или скоро 23 илјади евра, иако живее во Куманово, на 30 километри оддалеченост од главниот град и Собранието.

Најголема исплата Спасовски евидирал во 2012 година, кога, за патни трошоци му биле исплатени скоро 400.000 денари, или речиси 7.000 евра.

Емил Десподов
TV НОВА

Претходно «
Следно »