СЕ ВРАТИЈА И КРАДЦИТЕ НА АВТОМОБИЛИ: За 48 часа во Скопје украдени два автомобили

  • November 26, 2017

Во изминатите 48 часа во Скопје биле украдени две патнички моторни возила.

Како што информира денеска МВР, во првиот случај Б.Ј. (75) од Скопје пријавил дека во периодот од 17 часот на 24 ноември до 8.30 часот на 25 овој месец на бул. „Јане Сандански“ од страна на  непознат сторител му било одземено патничко возило „Пежо 207“ со скопски регистарски ознаки. Сторителот се стекнал со противправна имотна корист од 300.000 денари.

Во вториот случај, К.Ц. (42) од Скопје изутринава во 00:25 часот во Полициската станица Карпош пријавил дека во периодот од 21 до 23 часот на 24 ноември 2017 година, на улицата „Јуриј Гагарин“ непознат сторител извршил кражба на патничко возило „Рено Клио“ со скопски регистарски ознаки. Сторителот се стекнал со противправна имотна корист од околу 150.000 денари.

Се преземаат мерки за пронаоѓање на сторителот и возилото и за целосно расчистување на случајот.

Претходно «
Следно »