СНИМКА ОД ПРОТЕСТОТ ВО ВЕЛЕС: Велешани протестираа пред домот на пратеникот Панче Иванов од СДСМ

  • March 15, 2018

Стотина граѓани се собрале пред домот на пратеникот на СДСМ од Велес, Панче Иванов, за да протестираат поради тоа што тој гласал за законот за двојазичнот.

Со скандирање „Уа, предавни“, „Како мислиш да излезеш“, „Си ја оцрни фамилијата“, „Клетва до седмо колено“ вечерва поголема група на граѓани протестираа поради како што велат „предавството на македонскиот народ“. Пред домот на Иванов е забележително и засилено присуство на полиција.

Неговиот дом го обезбедува кордон од дваесетина полицајци.

До редакцијата на Република пристигнаа и две аматерски фотографии на кои може да се забележат граѓани пред домот на Иванов.

Како што дознава Република, незадоволните граѓани на сличен начин, преку мирни протести пред домовите на пратениците го искажуваат своето незадоволство и во другите градови.

Инаку, кордони со полиција и вечерва се поставени пред домовите на пратениците од СДСМ кои вчера гласаа за законот за двојазичност, дознава Република од терен.

Полициското присуство е дополнително засилено од синоќа а полицијата вечерва го обезбедува и седиштето на СДСМ во Скопје како и штабовите на партијата низ градовите.

Во исто време, пратеникот од власта Ферид Мухиќ изјави дека заедно со останатите колеги од СДСМ се договориле денеска да се кријат дома и да не ја иритираат јавноста.

-Со колегите пратеници се договоривме да седиме дома. Нема да побарам заштита, предраматично е да се размслува и да се зборува за ова. Најлошо е што може да има сериозни елементи, за кои треба да се размисли. Немав заштита изминатата вечер, но се договоривме да не се движиме многу во јавност, за да не иритираме – изјави Мухиќ.

Претходно «
Следно »