ТЕЛЕКОМ ДОДЕЛИ АВТОМОБИЛ НА КОРИСНИК ОД СКОПЈЕ!

  • February 4, 2019

Хајрулах Ајрулаи од Скопје е среќниот добитник на автомобил Peugeot 208, главната награда од припејд наградната игра „Дополни и добиј“ којашто ја организираше Македонски Телеком. Ајрулаи денеска ги доби клучевите од својот нов автомобил.

„Прв пат учествувам во наградна игра и ја добив главната награда. Навистина сум изненаден. Имав голема среќа. Кога ми соопштија дека сум добитник на Peugeot 208, мислев дека се шегуваат. Немаме автомобил, така што ова изненадување е добредојдено за моето шестчлено семејство. Моите две мали дечиња со нетрпение го очекуваат овој прекрасен подарок“, изјави Хајрулах Ајрулаи при врачувањето на клучевите од автомобилот, истакнувајќи дека неговото семејство долги години се задоволни корисници од услугите на Македонски Телеком.

Наградната игра којашто се организираше за сите нови и постојни припејд корисници, траеше од 26 ноември минатата година до 14 јануари годинава. Главната награда беше извлечена на 15 јануари. Освен главната награда Peugeot 208, секој ден додека траеше наградната игра, Телеком доделуваше и по еден смартфон Samsung Galaxy J6, а корисниците коишто се регистрираа за играта, добиваа 1 GB интернет.

Претходно «
Следно »