ТРИ МЕСЕЦИ ЈА ПРИСЛУШКУВАЛЕ СВЕКРВАТА НА РЕМЕНСКИ: Мене и свекрвата нѐ прислушувале 3 и пол години, откри Фросина Ременски

  • March 8, 2019

Фросина Ременски во вечерашното гостување на 1 ТВ со доза на самокритика констатираше дека власта лежерно влега во превенирањето на злoупoтpeбитe на бeзбeднocнитe структури.

Јас ја слушнав изјавата во емисијата што ја имаше синоќа Јовановски со Пендаровски за неговата констатација дека е следен од одредени лица кои тој ги квалификуваше на одреден начин. Можеби тоа е добро да се отвори како дилема или претпоставувам заклучок кој го делат повеќето функционери кои што биле третирани од страна на пapaпoлициските структури. Се сомневаме, јас се уште се сомневам дека таквите структури постојат и дека работат надвор од службените овластувања под партиска команда, под која претпоставувам има служби од безбедносните структури за да информираат за одредени движења на одредени политичари. Од друг аспект, отвора друга дилема која што сакам критички да ја потенцирам и во нашите партиски кругови, дека ние малку лежерно влеговме во сферата на превенирање на ваквите злоупотреби, имајќи предвид дека дел од ветувањата во предизборието во расветлување на случаи, не успеавме до крај да ги истражиме. Легалноста на постапувањето на одредени структури го оставивме на истражните органи што е легитимно. Но ако се има во предвид дека полицијата и сите останати служби имаат внатрешен механизам на контрола не сум сигурна дека до крај ги анулиравме овие дејствија, рече Ременски.

Министерката Ременски вели дека во периодот на незаконското следење на комуникациите била прислушкувана не само таа, туку и нејзиното потесно семејство, па дури и нејзината свекрва, која се јавувала еднаш неделно да поразговара за секојдневни работи. Вели дека, за жал, граѓаните имаат голема толеранција за незаконското следење и често сметаат дека е нормално одредени лица да бидат следени.

Ако таа власт која прислушкувала имала таква логика, задачата на оваа власт беше тоа да не се повтори и влеговме во сериозна реформа и на следењето на комуникациите и на одземање на таа алатка која била играчка во мaнипулациитe и со службите и со политиката и секако се влегува во оваа реформа за одземање и на многу други привилегии, вели Ременски.

За можноста ВМРО-ДПМНЕ евентуално да ги отвори бoмбитe за СДСМ, таа објаснува дека разговорите ги поседува и тој што нeзaкoнcки ги следел комуникациите, исто како што ги поседувале СДСМ пред да ги предадат во СЈО. Сепак, нагласува, не треба да заборавиме дека тогаш СДСМ и сегашните функционери не биле дел од власта за да злoупoтpeбувaaт моќ, државни функции и институции за да профитираат, материјално или нематеријално.

Додека целосно не се спроведе сериозна истрага за тоа дали постојат одредени центри кои не се легални и институционални за следење на комуникациите, сѐ уште ми постои тој coмнеж, имајќи пред вид дека постоеја сознанија за кабли во една агенција, за сејф сити или мал милион други можности со кои располагаа државните институции, но и да не одам далеку, во април навршуваат шест години откако во Јавното oбвинитeлcтвo за организиран kpиминал пријавив тежок kpиминал со АФИС-ите, кој сѐ уште е во истрага без конкретен исход, вели Ременски.

Претходно «
Следно »