ТРОЈЦА ПРИПАДНИЦИ НА „АЛФИТЕ“ НА УРГЕНТЕН: При потера по осомничен, бегалецот со „Мерцедес“ удрил во службеното возило на „Алфа“ тимот!

  • September 9, 2016
  • Коментари

Тројца припадници на единицата „Алфа“ попладнево се повредени во сообраќајна несреќа која се случила при обид да приведат лице кое се бара за издржување затворска казна.

alfi_policija

Како што информираат од МВР, околу 16 часот попладнево од страна на припадници на единицата Алфи на улица „Ферид Бајрам“ во Скопје било забележано лице кое се барало за издржување затворска казна во траење од четири години во патничко моторно возило мерцедес со скопски регистарски ознаки.

Оттаму појаснуваат дека од страна на полициските службеници му била издадена наредба да го запре возилото, но тој се оглушил на наредбата и со голема брзина се упатил кон скопската населба Железара.

Од страна на алфите започната е потера по него и на ул. „Перо Наков“ лицето по кое се трагало со мерцедесот удрило во патничко моторно возило „поло“ со скопски регистарски ознаки сопственост на Министерството за внатрешни работи. Од сообраќајната незгода тргојца полициски службеници од Алфите се здобиле со повреди и пренесени се во Ургентниот центар.

Претходно «
Следно »