September 24, 2021, 8:24 pm

Урсула фон дер Лајен: Heпpифaтливo e дa ce шпиoниpaaт нoвинapи

Поврзано

- Advertisement -
- Advertisement -

Претседателката на Европската комисија Урсула фон дер Лајен денеска во Прага изјави дека е апсолутно неприфатливо властите или тајните служби да го користат израелскиот софтвер „пегаз“ за да шпионираат новинари или активисти на невладини организации.

„Проверуваме дали се случило тоа, а ако е така, тоа е апсолутно неприфатливо и е спротивно на сите правила. Во Европската унија имаме слобода на медиумите и слобода на говор, и тоа е еден од столбовите на Унијата, изјави фон дер Лајан на прес-конференција со чешкиот премиер Андреј Бабиш.

Претседателката на ЕК реагираше на објавите во медиумите во врска со наводниот скандал во кој учествувале некои влади и разузнавачки служби, меѓу нив и од ЕУ, поточно Унгарија, кои го употребувале софтверот за шпионирање „Пегаз“, за хакирање и прислушување на мобилни телефони на новинари и активисти на невладини организации.

„Пегаз“, кој е првенствено создаден за борбата против терористите, е во состојба да ја следи не само целата комуникација на мобилниот телефон, туку и да го пренесува она што го покажува камерата на телефонот, се наведува во заедничкото истражување на германските медиуми и организациите Форбиден Сторис и Амнести Интернешнл.

Откако проучиле 50.000 телефонски броеви во тоа истражување, откриено е дека „Пегаз“ е инсталиран во телефоните на повеќе од 180 новинари и стотици активисти, како и државници и дипломати.

Latest News

Cилен зeмјотрес ја погoди Алјаска

Земјотрес со јачина од 6,3 степени според Рихтеровата скала денеска го погоди градот Еидак во сојузната држава Алјаска, објави...

More Articles Like This