Уkpaдени pecпиратори во Шведска, преку Косово завршиле во Хрватска

Полициската станица на Медвеќак во Хрватска започна кривична истрага против млад човек (25) кој е осомничен дека набавил 24 медицински респиратори во вредност од 350.000 евра од 8 март до 2 април, што се покажа дека биле украдени во Шведска.

Осомничениот набавил респиратори преку компанија од Косово, за компанија со седиште во Загреб, во која тој е одговорно лице и директор, објавија хрватските медиуми, пренесува Танјуг.

„За време на истрагата и со помош на меѓународна соработка беше потврдено дека респираторните уреди исчезнале во Шведска, односно дека кражбата била пријавена на 15 февруари за време на транспортот преку Шведска. Се сомнева дека човекот набавил медицински респиратори со намера да ги препродава во трети земји и со цел да добие нелегален имот, иако знаел или морал да знае дека респираторите се набавени незаконски, што претставува кривично дело прикривање“, рече загрепската полиција.

Како што објави веб-страницата „24сата.хр“, осомничениот ангажирал овластен превозник за транспорт на апарати за дишење до Загреб, а потоа, откако биле доставени, ги чувал во угостителски објект во областа на Загреб.

Респираторите беа привремено одземени, додека против осомничениот беше поднесен извештај во судот во Загреб.