(Фото)НОВ РАКЕТЕН НАПАД НА СИРИЈА: Сириските ПВО собориле две ракети, го обвинија Израел за нападот

  • May 8, 2018

Сириската противвоздушна одбрана одбила ракетен напад од Израел јужно од Дамаск, соопштуваат локалните медиуми, додавајќи дека нападот е изршен на подрачјето на Кисва

Израелската војска одбива да го коментира соопштението за нападот на Сирија и својата вмешаност во истиот.

„ПВО на Сирија собори две израелски ракети, двете се уништени на подрачјето на Кисва, во провинцијата Дамаск“, се наведува во соопштението.

Неименуван извор на меѓународниот аеродром во Бејрут додава дека во моментот на нападот во воздушниот простор на Либан се наоѓале израелски авиони. Меѓутоа, како што соопшти прес службата на војската на Израел, тие почнале да повикуваат ограничен број на резервисти.

Претходно е соопштено дека израелската војска ја подигнала состојбата на борбената готовност, како и системите ПВО, додека паднала и наредба складиштата за оружја на Голанската висорамнина да се отворат.

Претходно «
Следно »