October 24, 2021, 4:05 am

Хан: Непочнувањето на преговори со Македонија и Албанија е нeyспех за Унијата

Поврзано

- Advertisement -
- Advertisement -

– Непочнувањето преговори на Македонија и Албанија за пристапување кон Европската унија е јасен неуспех на Унијата, нагласи поранешниот еврокомесар Јоханес Хан во излагањето на панел дискусијата „Ресетирање на синергијата меѓу ЕУ и САД кон Западен Балкан“, која денеска се одржува во Охрид во рамките на „Преспа форумот за дијалог“.
Хан, чие име е поврзано со клучни политики со проширувањето на Унијата, а сега надлежен за Буџетот изрази жалење за таквиот чекор, посочувајќи дека Европската комисија донесе многу извештаи за испорачани резултати на двете земји.
– Многу беше кажано за неспособноста на ЕУ да ги започне преговорите за пристапување кон Унијата за Македонија и Албанија. И јасно е дека нема што да кажам во врска со ова. Ова е јасен неуспех од наша страна и жалиме дека сме таму и зошто е така. Јасно и потвдено е дека ЕК донесе многу извештаи дека овие земји испорачаа резултати и отсекогаш велевме откако тие ќе испорачаат, мораме и ние да испорачаме резултати, а ние тоа не го направивме досега. Затоа се надевам дека словенечкото претседателство, иако шест месеци е кратко време, но во политиката некогаш може и да биде доволно за да се постигне нешто, рече Хан.
Смета дека политичарите се тие, кои треба да носат одлуки, а не експертите и научниците.
– Постои начин доколку политичарите се тие кои ги носат одлуките, ако оставиме на експертите и научниците нема да има резултати. Но, клучната надлежност на добар политичар и добар водач, како што видовме во Преспа е да се постигне договор, компромис, кој е победничка ситуација за сите. Да се има компромис значи да се покаже водство, затоа што од една страна ги браните некои позиции, а од друга страна двете страни имаат корист доколу се изнајде договор. Па затоа дојде времето кај политичарите кога тоа треба да се разреши, нагласи Хан.
Навраќајќи се на она што ЕУ и САД може да го направат, посочи дека треба да инвестираат во економскиот развој, но неизоставен дел треба да биде и владеењето на правото.
– Секако и проади ситуацијата со која се соочуваме внатре во Унијата, видовме настани кои не ги претпоставивме во минатото. И нашиот договор има слабости во врска со тоа како да се дејствува, кога се соочуваме со проблеми во некоја од нашите земји членки. Владењето на правото, како нов инструмент треба да биде спроведен, рече Хан.
По започнување на преговорите со Унијата, подвлече дека владеењето на правото е клучен елемент, кое смета дека е поврзано и со економскиот развој.
Како одговорен за Буџетот во Унијата, Хан, посочи дека за регионот се издвоени 9 милјарди евра неповратни средства и уште 20 милјарди за кредити, забележувајќи дека се најпоолни.
Генералниот секретар на заедницата на демократии, Томас Гарет, потсетувајќи дека Македонија е последниот член на Управувачкиот одбор на заедницата, која претставува меѓувладина коалиција, која поддржува спроведување демократски вредности и заеднички активности на овие вредности говорејќи за демократијата нагласи дека земјава е пример за постигнување напредок преку соработка.
– Македонија е пример каков напредок може да се постигне со синергија, соработка и градење мостови, кои водат до постигнување на споделени цели. Квалитетите на спогодбите од Преспа и Охрид и помогнаа на Севрна Македонија, но помагаат и одново да се воспостави оваа синергија, рече Гарет

Latest News

Обама до Меркел: „Целиот свет ви должи голема благодарност“

Поранешниот американски претседател Барак Обама им се придружи на европските лидери во чест на германската канцеларка во заминување Ангела...

More Articles Like This