„Чешка армс“ го купи познатиот американски производител на opyжје „Колт“

Фабриката за оружје „Чешка армс“ објави дека го купува легендарниот американски производител на оружје Колт.

„ЦЗГ стекнува 100 процентен удел во Колт за 220 милиони долари (180 милиони евра) пари и издавајќи 1.098.620 акции на ЦЗГ“, се вели во соопштението на чешката компанија, пренесува Бета.

Претседателот на управниот одбор на ЦЗГ, jубомир Коварик, рече дека ЦЗГ е горд што Колт, кој е во американската војска 175 години, е дел од чешка компанија.

Сопственикот на Колт, Денис Веје изјави дека тоа е „моќен сојуз и за брендовите и за клиентите“.

CZG, во кој работат околу 1.650 лица во Чешка, САД и Германија, произведува оружје за полицијата и армијата, но и спортско и ловџиско оружје под брендот CZ.

Колт, основан од Самуел Колт во 1836 година, ги опремува армиите на САД, Канада и многу други земји. Компанијата произведува и спортско и ловно оружје.