ШТО СЕ СЛУЧИ: Како ајварот стана посилен бренд од ЕУ и НАТО?!

  • October 3, 2018

И покрај настојувањето на светските политички мешетари референдумот во Македонија да успее и граѓаните на Македонија да ја легитимираат одлуката за промена на името на земјата во која живее, поголемиот број на граѓани и правеа ајвар – пишува „Спутник


Додека светските и европските медиуми, политичари и магови на политичкиот маркетинг сите свои сили ги усмерија на успех на референдумот во Македонија, Скопје и останатите македонски градови и села мирисаа на печени пиперки.

Ајвар се правеше на големо и поголемиот дел од граѓаните на најјужната бивша југословенска република одлучја да останат дома, да печат пиперки, да ги меша со модар патлиџан и да пржи ајвар наместо на гласачките места да носи, за режимот на македонскиот премиер Зоран Заев и остатокот на светот „историска одлука“ за промена на името на земјата.

Граѓаните на Македонија, што очигледно покажуваат и резултатите од референдумот, сфатија дека договорот кој овој јуни го постигнаа Зоран Заев и грчкиот премиер Алексис Ципрас како нешто од историско значење, штом на нив повеќе влијаеше неформалната кампања дека е подобро да останат дома и да прават ајвар, наместо кампањата на поборниците на Преспанскиот договор.

Ајварот за целото време на кампањата беше главен лајтмотив на поборниците на референдумот на социјалните мрежи, додека на другата страна стоеше одамна разредениот и дебело платен механизам на политички мешетари, маркетиншки експерти и македонски власти.

Иако својата сила ја насочија кон целта за успешен референдум, доживеаа неуспех.

Македонската претстолнина Скопје стана омилена дестинација на западните политичари. Тешко е да се каже дека една држава е голма или мала, значајна или маргинална, кога во толку кратко време ја посетија толку многу светски политичари.

Британската премиерка Терза Меј, германската канцеларка Ангела Меркел, австрискиот канцелар Себастијан Курц, генералниот секретар на НАТО Јенс Столтенберг, американскиот секретар за одбрана Џејмс „Бесно куче“ Матис, европските претставници Јоханес Хан и Федерика Могерини се менуваа во Скопје во речиси еднакви термини за да ги „охрабрат“ Македонците да донесат „исправна одлука“.

Меѓутоа, ајварот победи, и тоа убедливо. Триумфираше маркетингот кој поттикнуваше од самиот дух на народот. А постигнати се две цели: македонскиот ајвар стана светски популарен производ, а референдумот не успеа. Со еден удар – две победи.

Едно од правилата на спинување гласи дека вниманието треба да се префрли на конкурентските случувања кои вас ви одговараат, вели директорот на ПР агенцијата „Прагма“ Цветин Миливојевиќ.

„Кампањата со ајварот е многу едоставна. Тоа е порака: ‘Гледајте вие луѓе од што се живее, пуштете ги ЕУ, НАТО, промената на името и разни други врсти на интеграција. Тие не се мачкаат на леб’. Или што би рекол Палма, тоа не се става во трактор“, објаснува тој.

Македонските власти, според Миливојевиќ, направиле кардинална грешка со тоа што од македонските граѓани барале во еден рефереднум на едно прашање да се изјаснат за три работи одеднаш, со сугестија „пробајте да кажете не“.

Како граѓаните да велат „не“ за влезот во ЕУ или НАТО, кога севернотатлантската алијанса е единствена која може да ја спаси Македонија од силите кои и се закануваат, прашува Миливојевиќ. Третото прашање се однесува на одрекување од уште малку државен идентитет кој им остана, како услов за влез во ЕУ и НАТО.

„Кога ќе поставите таква врста на прашање, вие всушност го потценувате здравиот разум на граѓаните. Граѓанинот вели ‘еј чекајте, да не претеравте малку’. Така да, ајварот плус вакво идиотско прашање резултираа со излезност од 36%, иако се сомневам дека во Македонија постои повеќе од мнозинско расположение за влез во ЕУ. Сигурно повеќе од две третини од бирачите се за влез во ЕУ, и сигурно повеќе од половина сметаат дека влезот во НАТО е подобра опцја отколку да се остане надвор од НАТО“, нагласува тој.

Претходно «
Следно »