Од утре минусни утрински температури, се очекува и магла и облачност

- Advertisement -

Утре наутро по одделни котлини ќе има појава на магла и ниска облачност.

Преку денот со умерена, а во западните и југозападните делови со зголемена облачност. Ќе дува слаб до умерен ветер од југоисточен правец. Минималната температура ќе биде во интервал од -1 до 5, а максималната ќе достигне од 13 до 18 степени.

Во Скопје, наутро со појава на магла и ниска облачност, преку денот со умерена облачност. Минималната температура ќе се спушти до 3, а максималната ќе достигне 15 степени.

Во следните денови во утринските часови по одделни котлини ќе има услови за појава на магла, а преку денот ќе преовладува сончево време со променлива облачност. Појава на слаб локален дожд се очекува во четврток, соопшти УХМР.