Словенечкиот премиер Миро Церар оцени дека голема воена вежба од страна на австриската полиција и војска долж словенечката граница е “малку провокативна”.
Имено, и покрај противењето на Словенија, австриските безбедносни сили денес на граничниот премин Спилфелд одржаа вежбата “Про бордерс”, во која се прикажани итни мерки за спречување на илегалната миграција.
Во вежбата учествуваа околу 500 полицајци и 220 војници, како и воена опрема, вклучувајќи оклопни возила, како и хеликоптери на армијата и полицијата на Австрија.
Церар пред новинарите изјави по состанокот со шефовите на парламентарните партии на неодамнешниот мини-самит на ЕУ за миграција дека Словенија соодветно ги штити надворешните граници на Шенген. Затоа, додаде таа, австриската вежба е непотребна, објави СТА. “Сметаме дека тоа е дури и малку провокативно”, рече Церар.
Тој рече дека вежбата може да се оправда само со зголемувањето на миграцијата, но дека тоа не е случај и дека “немало забележлив прилив на илегални мигранти од Словенија во Австрија”.
Словенија се залага за зајакнување на контролата на надворешните граници на ЕУ, додека самата се обидува да ја заштити Шенген зоната, поради што австриската гранична контрола не е оправдана, заклучи Церар.
