- Advertisement -

Стотина автомобили со македонски знамиња беа дел од денешната автомобилска парада низ улиците на Крива Паланка.

На овој начин Паланчани упатија пораки за отфрлање на тиранската платформа и зачувување на единствена, унитарна Македонија.

Авто-дефилето беше во организација на иницијативата „За заедничка Македонија“, како дел од алтернативната викенд програма. Парадата стартуваше од пред мотел Македонија, се возеше низ улиците на градот, до клучката со магистралата М2, по обиколницата до појдовната локација.

Повторувајќи ги барањата да се отфрли т.н тиранска платформа граѓаните на Крива Паланка порачаа дека протести и собири ќе се одржуваат се до нејзиното отфрлање.