Утре (четврток, 22. ноември 2018), со почеток во 14:00 часот како дел од настаните поврзани со прославата на Денот на албанската азбука и 550 години од постоењето на Ѓерѓ Кастриот – Скендербег ќе се оствари прошетка по Старата чаршија во Скопје, на која ќе учествуваат Претседателот на Република Албанија, Илир Мета и Претседателот на Демократската Унија на Албанците, Али Ахмети кои на истата ќе бидат предводени од страна на Заменик Претседателот на Владата задолжен за европски прашања, Бујар Османи и Претседателот на Собранието на Република Македонија, Талат Џафери.
Прошетката низ чаршијата ќе заврши пред мозаикот (Муралот) на плоштадот на Скендербег каде е предвидена фото-сесија, положување на цвеќе пред споменикот на Скендербег, како и изјави за медиумите по повод Денот на албанската азбука и 550 гидини од постоењето на Скендербег.
По тој повод покануваме Ваши екипи да ја проследат прошетката низ Старата чаршија, положувањето на цвеќето пред споменикот на Скендербег и изјавите.
