Албанскиот портал „Фол“ во анализа за состојбата на здравството во Македонија и способноста на министерот за здравство Арбен Таравари пишува дека во речиси сите градови каде претежно живеат повеќе етнички Албанци, состојбата во државните болници и понатаму е алармантна. Болниците изгледаат како во сцени од Втората светска војна. Снимките се ужасни, освен недостатокот на хигиена, недостаток на подготовки и услови за работа, и зградите се стари и уништени со скапани и соби полни со мувла, пишува порталот.
– Лидери на оваа беда несомнено продолжуваат да бидат болниците во Тетово и Гостивар, иако тие со години се водат од страна на неуспешните директори на ДУИ, пишува „Фол“.
Порталот пишува дека загриженоста кај граѓаните е се поголема.
-И покрај надежите дека со изборот на Арбен Таравари за нов министер за здравство, конечно, работите ќе тргнат на прав пат , од овие очекувања, граѓаните почнаа да се разочаруваат и се сомневаат во храброста на министерот Таравари да ги разреши овие неуспешни директори кои се кадар на ДУИ. Затоа, со право си го поставуваат прашањето: Зошто министерот Таравари не ги менува лидерите на овие здравствени центри? Да не имаат случајно некој таен договор меѓу него и ДУИ или се плаши од луѓето кои се на врвот на ДУИ и кои долги години беа министри?“, стои во анализата на „Фол“.