Сите албански партии кои учествуваа на изборите нема да водат кампања за поддршка на пратеничките листи ниту на СДСМ ниту на ВМРО-ДПМНЕ иако меѓу овие две партии има единствена можност за измена на конечниот резултат и распределбата на мандати.
За ДУИ е важно изборите да бидат слободни и демократски, како и граѓаните да имаат можност слободно да ја изразат нивната волја, но тие нема да се мешаат во нивниот избор.
„Во текот на кампањата секоја партија ја претстави својата политичка платформа и сега граѓаните имаат можност да се определат, велат од ДУИ.“
БЕСА која е дел од албанската опозиција исто така вели дека нема да фаворизира ниеден македонски субјект.
„Согласно изборниот резултат Движењето Беса не е дел од овој процес, гласачите како гласачи, секој има право да одлучува така како што смета дека е најдобро да одлучи“, рече Биљал Касами, претседател на Движењето Беса.
Алијансата за Албанците води речиси идентична политика по ова прашање.
„Нема да поддржиме ниедна партија. ВМРО-ДПМНЕ и СДСМ сами нека ги решат проблемите“, посочија тие.
На СДСМ му требаат 304 гласа плус во однос на ВМРО-ДПМНЕ за да може да направи промена во изборниот резултат и да освои уште еден мандат со што би се изедначиле на 50 наспроти 50.
