Продолжува да опаѓа бројот на држави кои го признаваат косово. Денес тоа е направено од страна на Соломонските Острови, суверена држава во Океанија која испратила нота за повлекување на признавањето на Косово“ известува КТВ, пренесува ,,КосСев“ .
Известувањето за повлекување го примила амбасадата на Косово во Канбера Австралија. КТВ тврди дека го поседува овој документ или оваа дипломатска нота.
https://twitter.com/gezimvisoka/status/1069302234117230592?
„Во известувањето од канцеларијата на Соломонските острови во Австралија, се наведува дека МНР на оваа земја го доставува известувањето за да се проследи односно дека тоа е Одлука за повлекување на признавањето на Косово“, наведува КТВ.
Во дипломатската нота или известување пишува:
„Министерството за надворешни работи и трговија на Соломонските острови има чест да го извести Министерството за надворешни работи на Косово дека по внимателно следење на текот на преговорите помеѓу Белгрд и Приштина за конечниот статус на Косово и имајчи ја предвид резолуцијата на СБ ОН 1244, Влдата на Соломонските острови одлучи да го повлече признавањето на Косово како независна и суверена земја. Оваа одлука која Соломонските острови останува во сила се додека не се завршат преговорите со посредство на ЕУ“ се наведува во документот.
Но, министерството за надворешни работи негира дека добило таков официјален документ.
,, До сега не сме добиле таков документ по однос на ова прашање. Сметаме дека ова е продолжување на серијалите на српската пропаганда“, за КТВ наведува директорот за комуникации во МНР Косово Сами Кастрати.
