Претседателот на ДУИ Али Ахмети предмалку пристигнал на состанок во седиштето на СДСМ на Бихаќка, веднаш откако претседателот на државата Ѓорѓе Иванов ја објави одлуката дека нема да го додели мандатот на Зоран Заев
Веднаш по објавувањето на одлуката на Иванов, со која претседателот порача дека нема намера да го даде мандатот на никој кој заговара платформи скроени во други држави, со што ќе се загрози унитарниот карактер на државата, во седиштето на Бихаќка пристигна лидерот на ДУИ Али Ахмети.
Со каква намера пристигнал Ахмети сеуште не е јасно, а официјално соопштение сеуште нема. Нема ниту изјава од Заев, или реакција од СДСМ.
Попладнево од иницијативата „За Заедничка Македонија“ најавија дека маршот ќе се упати токму пред седиштето на СДСМ на Бихаќка.