Додека македонскиот претседател Ѓорге Иванов се закани дека нема да го потпише Законот за употреба на јазиците, лидерот на ДУИ Али Ахмети тврди дека албанскиот јазик ќе биде формализиран дури и без негов потпис.
Никој не може да го блокира албанскиот јазик, рече Ахмети во ексклузивна изјава за РТК.
Ахмети изјави дека Законот за употреба на јазиците, усвоен од македонскиот парламент, претставува историско достигнување за Албанците и со овој закон е затворено едно многу важно поглавје од Охридскиот договор.
“Тоа е големо достигнување, вистинско историско достигнување за Албанците во Македонија, но исто така и за Албанците кои живеат во нивните простори во Косово и во Албанија. Овој јазик ќе им служи на сите Албанци, а исто така е во корист и на нашите македонски сограѓани, бидејќи секој втор граѓанин на оваа земја зборува поинаку од јазикот на нашите сонародници. Усвоениот закон е во интерес на стабилноста и мирот. Со овој закон е затворено многу важно поглавје од Охридскиот договор, кое произлезе од жртвувањето и отпорот на албанскиот народ. За овој јазик има херои, маченици кои ги дадоа своите животи во 2001 година “, истакна Али Ахмети за РТК.
Во врска со предупредувањата на македонскиот претседател Иванов дека нема да го потпише законот, Ахмети истакна дека Иванов е должен да го потпише законот, во спротивно го крши Уставот на оваа земја.
“На господинот Иванов му испратив порака да го потпише овој закон уште после второто гласање. Тој не можеше да се надмине себеси за да биде легитимен претседател на сите граѓани во оваа земја. Со изгласувањето на третото гласање во македонскиот парламент, г. Иванов има уставна обврска да го потпише законот, бидејќи во спротивно тој ги крши уставот и законите на оваа земја. Сметаме дека тој сега држи политичка страна и антиалбански став. Законот ќе стапи на сила, потпишан или не потпишан од Иванов “, додаде Ахмети.
Жестоката акција на македонската опозиција за време на донесувањето на законот, Ахмети ја опиша како реакција на ВМРО-ДПМНЕ да се оправда пред гласачите.
“Реакцијата на опозицијата собранието нема да и помогне на ВМРО-ДМНЕ да го подобри нејзиниот имиџ, ниту нејзиниот електорат, ниту ќе му служи на ВМРО за подобрување на имиџот кај Албанците во Македонија. Не ни очекував од ВМРО да го гласа или пак да аплаудира на законот за употреба на албанскиот јазик. Сметам дека ваквата реакција на македонската опозиција беше само за да се оправда пред гласачите “, истакна Ахмети. /РТК/
