Би биле дел од Владата на Заев но без ДУИ и прифаќање на неколку наши барања, велат од Алтернатива.
„Доколку побара официјална средба, да се видиме и да разговараме која е идејата на Заев, ќе ја разгледаме понудата. На пример ако се прифатат законот за државјанство, рамномерниот регионален развој, реализација на капитални инвестиции, реализација на автопатот Скопје-Блаце итн. Но, не знаеме каква Влада сака Заев. Ако е понудата да се формира Влада до локални избори па потоа да одиме на нови парламентарни избори, можеме да разговараме. Сакаме да излеземе од кризата“, изјави вечерва во „Click Plus“ на ТВ21, Африм Гаши – лидер на Алтернатива.
Гаши додава дека би сакале да имаат формални разговори и да почнат со преговори.
„И секако, никако со ДУИ. Нема да бидеме дел од Владата со ДУИ“, потенцираше Гаши.
Лидерот на Алтернатива, Африм Гаши кој е во коалиција со Алијанса за Албанците на Зијадин Села дебатира вечерва во „Click Plus“ на ТВ21 заедно со политичките аналитичари Сафер Селими и Бесим Хода на актуелни теми.
