Американскиот претседател Доналд Трамп изјави дека нуклеарниот потенција на САД ќе биде најмоќен на светот
Трамп соопшти дека би сакал да го намали нуклеарниот потенцијал, но тоа зависи од други држави.
Американскиот лидер изразил и надеж дека нуклеарното оружје нема да биде употребено.
„Ќе имаме во потполност модернизирани нуклеарни сили, потполно нови. Се надевам дека никогаш нема да ги употребиме“, рекол Трамп.
Американската администрација денес објави нацрт на буџетот за 2019. година, во кој се бараат 24 милијарди долари за модернизација на „американската нуклеарна тријада“.
Во јануари е објавена прелиминарната верзија на „Преглед на нуклеарната политика“ на Вашингтон, во која се наведува дека поради „опасност“ од Русија се планира искористување на таканаречената нуклеарна тријада на САД – стратешка авијација, интерконтинентални балистички ракети и атомски подморници.
Трамп во јули на состанок со претставниците на структурите на националната безбедност изјави дека сака да го зголеми нуклеарниот потенцијал на САД за десет пати, што ги изненади претставниците на Стејт Департментот и Пентагон.
