Американските власти без колебање ќе превземат казнени мерки кон оние држави кои ќе ги прекршат санкциите кон Русија, воведени на основа на Законот за борба против противниците на САД по пат на санкции, соопшти преставникот на Стејт департментот
„Ние во потполност го почитуваме законот за борба против противниците на Америка по пат на санкции, како што пропиша Конгресот, и без колебање ќе воведеме санкции кон секоја држава или лице која ќе го наруши тој закон“, рекол американскиот дипломат, одговарајќи на прашања на руски новинари.
Министерството за финансии на САД одби да соопшти како тој ресор планира да ја продолжи политиката на санкции кон Русија.
Санкциите стапија на сила уште на 29. јануари, соопшти претходно Стејт Департментот. Таму се наведува дека заканата од нивна примена сама по себе ќе ги натера земјите и лицата да престанат да соработуваат со рускиот воен сектор.
