Ќе се испитува имотната состојба на сите актуелни пратеници во Парламентот, членовите на сегашната и минатата влада и раководни лица на јавни претпријатија со државен капитал најави претседателката на Антикорупциската комисија, Билјана Ивановска во вечерашното гостување во ТВ 24.
Таа потврди дека ќе се испитува имотната сотојба на Заев, Мијалков, Шекеринска, Спасовски, Груевски, Јанкуловска и дурги високи функционери.
„Тоа е до крај на годината Тоа ни е план за работа за испитување на имотната состојба. Таргети ни се актуелни политичари, пратеници, раководни структури“ – потенцираше Ивановска, во емисијата 24 Анализа.
Шефицата на антикорупционерите, Ивановска изјави дека е отворена и постапка за становите на актуелниот шеф на државата Ѓорѓе Иванов. А најверојатно ќе се отврои и постапка за куќата која ја гради поранешниот скопски градоначалник Коце Трајановски. За случаите за непотизам или судир на интереси при вработувања во државни претрпијатија Ивановска најави дека следната недела ќе излезат со заклучоци.