Ноќеска, од манастирот Св.Вмч.Георгиј во с. Бучин беше украден покривот. Револтирани граѓани споделија фотографии на фејсбук на кои се гледа како недостасува половина од покривот на манастирот кој бил украден во текот на ноќта од засега непознати сторители.
Од манастирот упатија апел до сите хумани граѓани, кој колку е во можност финансиски да помогне да се обнови покривот и да се инсталираат безбедносни камери и аларми со цел да се спречи повторување на ваква дрска кражба.
Бучин се наоѓа во Прилепско Поле, како најјужно село во Општина Крушево и претставува раскрсница помеѓу градовите Крушев Демир Хисар, Битола и Прилеп.
Вашите донации можете да ги уплатите преку Gofoundme.com