Алијанса за Албанците до сега не размислувала да коалицира со опозициската ВМРО-ДПМНЕ, иако градоначалникот на Гостивар, Арбен Таравари, вели дека идеолошки се поблиску до ВМРО-ДПМНЕ отколку со СДСМ.
За „Фокус“ Таравари ја објаснува изјавата дадена за емисијата „Во центар“ и вели дека и двете партии се блиски по идеологијата затоа што се десничарски.
Кога велам идеолошки мислам на тоа дека и двете партии се десни. Инаку најблиски се ВМРО-ДПМНЕ и ДУИ и идеолошки и во начинот на водење на државата. Владиниот дуел не е многу различен, затоа што ДУИ ги дава сите карактеристики на новата Владата да личи на режимска – вели Таравари.
Тој е убеден дека кандидатот на Алијансата и на Беса, Блерим Река, ќе ги добие потребните гласови во првиот круг за да оди во вториот.
На прашање дали доколку во вториот круг влезат само Пендаровски и Силјановска, Алијансата ќе го поддржи кандидатот на ВМРО-ДПМНЕ, тој одговара:
Ние не сме партија која полни кутии и немаме команда на нашите гласачи. Ќе оставиме граѓаните да одлучат – вели Таравари.
