Зимската бура која донесе обилни снегови и мраз во североистокот на САД во Њујорк однесе најмалку три животи, а бил пронајден и мpтoв бездомник на автобуска станица во Бафало. Во регионот на средниот запад пак, со саботата ледениот бран однесе 12 животи.
15 homeless people found frozen to death in Chicago. Some are worried about not having the latest car, latest designer wear, position in life, etc. wake up & BE GRATEFUL that we have a roof over us. Let’s help!!! pic.twitter.com/11tZS5J4aP
— Jay Mazini (@JayMazini) January 31, 2019
Двајца мажи загинале додека се обидувале да го исчистат снегот, а уште еден (59) зaгинaл кога со своето возило удрил во снежен нанос и се забил во столб во околината на Ливингстон, соопштува дежавната полиција, а пренесува АП.
Аутопсијата ќе утврди дали бездомникот бил жpтвa на студот или нешто друго било причина за неговата cмpт.
Во западните делови на државата Њујорк сеуште паѓа снег, пропратен со силни ветрови од над 48км на час, што веќе втор ден по ред го отежнува сообраќајот а на аеродромот во Бафало наврнале над 50цм снег.
Арктичките услови предизвикаа проблеми од Бафало до Бруклин, каде околу 200 пожарникари се борат со пожар кои избил во раните утрински часови во една комерцијална зграда, додека на аеродромот во Њу Џерси во пожар во гаража биле оштетени над 10 возила, но немало повредени.
Според порано добиените податоци ледениот бран кој го погоди Средниот запад и однесе 12 човечки животи се прошири и кон североисточниот дел на САД.
Пријавени се лица загинати во сообраќајни незгоди предизвикани од временските неприлики, и лица смрзнати поради ниските температури, а властите во меѓувреме соопштија дека во 85 одсто од територијата на САД температурите се под нулата, пренесува Танјуг.
Метеоролозите прогнозираат потопло време во текот на престојниот викенд, меѓутоа тоа е мала утеха за оние кои се соочуваат со ледените услови, бруталните удари од ветровите и екстремно нислите температури кои во некои делови достигнаа и 34 степени под нулата.
