Организациониот секретар на ДУИ, Артан Груби, ја демантираше веста на „Алмаксос“ дека отворено се залага министерот за надворешни работи Никола Димитров да биде консензуален кандидат на владеачкото мнозинство и на албанските партии за престојните претседателски избори.
„Мојот единствен фаворит за претседател на држава, премиер, претседател на Собрание, претседател на ДУИ и лидер на Албанците, бил, е и ќе биде Али Ахмети. Се друго се лажни вести и очајна платеничка пропаганда”, изјави пратеникот.
Острата реакција на Груби следува откако неговата наводна поддршка за Димитров беше ставена во негативен анти-албански контекст затоа што министерот за надворешни работи од медиумот бепе претставен како пријател на осуденикот од Хаг, Јохан Тарчуловски.
