Австрискиот весник „Стандард“ пишува дека Али Ахмети наскоро би можел да биде заменет од позицијата претседател на ДУИ, како што велат поради неспособноста да покаже лидерство во партијата
Ова за весникот било потврдено и од партиски извори, кои велат дека за време на политичката криза низ која што поминува Македонија, Ахмети не покажал доволно лидерство, како што не покажал и за време додека бил во коалиција со Груевски.
Затоа, пренесува австрискиот весник од партиски извори, Ахмети не бил ниту во можност да ја обезбеди потребната помош од меѓународната заедница за надминување на кризата, а најголема вештина покажала потпретседателката Теута Арифи, која во соработка со меѓународната заедница го сменила курсот на партијата од „про-ВМРО“ кон „про-СДСМ“.