Американскиот претседател Џо Бајден изјави дека рускиот претседател Владимир Путин ќе претрпи последици од водечките напори да влијае на претседателските избори во САД во 2020 година во корист на Доналд Трамп и тоа ќе се случи наскоро, објави Ројтерс, цитиран од БТА.
„Тој ќе ја плати цената“, рече Бајден во интервју за телевизијата АБЦ. На прашањето какви ќе бидат последиците, американскиот претседател одговори: „Ќе видите наскоро“.
Бајден ги даде изјавите откако извештајот на американските разузнавачки служби ги зајакна долгогодишните тврдења дека Путин стои зад руското изборно мешање. Според Москва, обвинувањата се неосновани.
Во исто време, американскиот претседател истакна дека „има места каде што е во наш заеднички интерес да работиме заедно“ – како што е обновување на нуклеарниот договор СТАРТ.
