Новоизбраниот претседател на САД, Џозеф Бајден има намера да ја стави достапна секоја доза на вакцина против Ковид-19 кога ќе стапи на должност, што е спротивно на стратегијата на администрацијата на Трамп.
– Тој смета дека мора да се забрза дистрибуцијата на вакцината, додека истовремено продолжува да гарантира дека Американците на кои им е најпотребна ќе ја добијат што е можно поскоро, изјави портпаролот на преодниот тим на Бајден за Си-Ен-Ен.
Портпаролот посочи дека Бајден поддржува итно давање на дозите и смета дека владата треба да престане да чува залихи за да можат што повеќе луѓе да примат вакцина во овој момент.