Од моментот на растурање на тројната коалиција меѓу АА, Алтернатива и Движење Беса, Беса изрази подготвеност за коалиција со СДСМ, додека владејачката партија порача дека се отворени за коалицирање со сите, освен за ВМРО-ДПМНЕ.
Синоќа на прославата по повод 12 годишнината од независноста на Косово, лидерот на Движење Беса, Биљал Касами, заедно со Аријанит Хоџа, Кастриот Реџепи и Мухамед Зекири од СДСМ, речиси цело време насмеани беа заедно.
На прашање од ТВ21 дали насмевките се поради можната коалиција и евентуален договор, Мухамед Зекири одговори:
„Ние сме претставници на политички партии и на разни настани секако сме заедно, се поздравуваме и разговараме и тоа што сме стоеле заедно не значи дека може да се случи коалиција или не. Вие може да ме видите во друштво и со претставници од други политички партии“, истакна Мухамед Зекири.
И Аријанит Хоџа од Движење Беса вели дека насмевките се пријателски, не политички и дека со Зекири е пријател надвор од политичките круговои. Од друга страна, Зекири вели дека рано е за коалиција, прво треба да се донесат законите во собранието.
„Мислиме прво да ги завршиме процесите во Собрание, важните закони што треба да ги усвоиме и да се распушти собранието а потоа ќе се фокусираме на можните предизборни коалиции. Има се уште време, последниот рок за доставување а листите за пратеници е ако не грешам, 17 март“, додава Зекири.
Но, СДСМ и БЕСА постигнале договор. Не за коалиција, туку за документите. Неофицијално се дознава дека е постигнат договор за вметнување етничка графа во личните карти. Ова барање на Беса е од времето на уставните промени. Се вели дека за ова во Собрание е доставен предлог закон во замена за два гласа ЗА за законот за ЈО.
